Kisah Oppu Am. Nababajan

Karmen , onma goarni Oppung nalao tu daerah Raya ( simalungun ) najolo .Karmen ima anakni Op.Tn Binur sipai opat .Molo anakna siakkangan ima namargoar Op.Jaelam ,sipai dua ima Op.Oddang niaji (mamukka huta tu sitabo-tabo ) , sipai tolu ima Op.Gottor ( mamukka huta tu Liang Deak ).Op.Jaelam ma dongan ni oppung siappudan on(Karmen), dihuta Lumban Toguan - simanindo .Disada tikki roma tu pikkiranni oppung on ( Karmen ), laho mangihutton hahana laho mangalului papaga nalomak tu daerah simalungun.

Marsogotnai borhatma oppung on marsolu , dilugahon ma soluna tu bariba tao ,jonokkon ni huta salbe saonari .Turunma oppung on sian soluna ,di dalanima tu dompak dolok .Dang piga leleng jumpangnama sada liang nabalga ( gua ),diparrohahon oppung on ma liang on ( gua ),penasaran ma oppung ,pintor masuk ma tubasan ,didalani ma torus .Hape dang piga leleng pintor haruarma Haluang / arif-arif ( kelelawar ) sian bagas liang on ( gua ), mansai godang hian ( marratus-ratus ).Di turbingi jala diharati Haluang ( kelelawar)onma pinggol ,igung dohot simanjujung ni oppung on . Songgot hian ma rohani oppung on , pintor marlojong ma ibana tubagasan liang on torus alani songgotni rohana .Dung malua oppung on sian serangan ni Haluang / arif-arif on ,tung mansai songgot situtuma rohana ,di dadap pinggol dohot igungna nungnga be habis di harati arif-arif / haluang i .

Digasan gua on ,sai marpikkiri ma oppung on jala bingung situtu , molo naeng kaluar habis ma muse au annon allangon ni haluang ( kelelawar ) nakelaparan on ., molo tubagas dang marhaujungan ra bagas ni liang on . Sande ma oppung on tudinding ni liang on alani lojana huhut sada-sada hosana .Dinamangunsande on oppung on ,dibege oppung on ma soarani " aek namanetek " ,pintor dilului oppung onma .Hape dibereng oppung on ma , aek on manetek sian sada uratni hau . Mangolu do uratni hau on ,berarti jonoknama tu ginjang inna rohani oppung onma dibagasan . Jala tarbegesama adong songon soarani namanduda .Roma hupikkiranni oppungi berarti nga jonok be huta , nga habegean suarani panduda .Pintor di tarik ma uratni hau on sagogo ni gogona , pintor masursur ma tutu hau on dohot uratna tu toru .Dibereng oppung onma hau on , hape na " hau utte do hape lagi marparbue muse ( kayu jeruk nipis ). Pintor hatop ma oppung on naik tu ginjang ,haruar sian liang on .Dung sahat diginjang , longang jala tarsonggotma parhauma nampunasa kobun utte on ,dohot akka panduda i sude pintor marlojongma lari alani biarna marnida rupa ni oppung on . Dibereng dang adong pinggol dohot igungna jala simanjujungnape marmudari .

Mardalan ma oppung on dompak huta , alai sude do mandao parhuta i alani biarna mamereng rupa ni oppung on .Di baen parhuta ima gelar ni oppung on amatta Am .nababajan ( berasal dari bahasa simalungun , Bajan= Roa ( buruk rupa ) .Alana soadong parhutai namanjalo oppung on ,ala keadaan na songoni ,laoma oppung on dompak " harangan ni hutai ".Dibahen ma sopo-sopo na diharangan i ,alai molo huta i ,tong dope tarida dibereng oppung on .Marburuma ulaon ni oppung on siapari .Dipaulima " katapel , jala onma dipakke marburu anduhur ( anduhur bolon ,anduhur titi ,amporik ( gilomit ),dll ).Molo setiap dapot anduhur ,dilapa oppung onma dipaharuarma isini bilalang dohot boruran na .Molo adong eme manang jagung ( jagul ) dohot akka batuni botik ,assimun ,jelok dohot lan akka na asing , disuan oppung onma sude .Songonima diulahon oppung on siganup ari .Alai molo oppung on dang marhasohotan dope ,hape uban nungnga be mulai sak-sak disimanjujungna .

Dung hira piga -piga tahun terjadima " haleon potir " ,didaerah simalungun .Terjadima kelaparan di tano simalungun .Alai molo oppung on ,dang kelaparan ,alana nga tolu sopona nabalga marisi eme,jagung , jelok assimun dohot akka gadong .Roma parhutai tu sopo ni oppung on ,laho mangido sipanganon dang mabiar be marnida oppung on .Disada tikki sahatma barita on tu Raja simalungun ,di jou ma oppung laos diangkatma gabe " Penasehat Raja ".Ima alani jasana menyelamathon rakyat simalungun sian kelaparan .Muliai siani berubah ma gelar panjouon tu oppung on ,diganti ma gelarna dijouma gelarna ;DEBATA TANO .Debata Tano = Seorang Penyelamat Yang Muncul dari dalam Tanah ( Dianggap Dewa Penolong ).Dung gabe penasehat raja oppung on ,marhasohotanma jala marpinompar .Diceritahon oppung onma "pardalanan ni ngoluna " tu akka ianakkonna .Onma Tona ni oppung i tu akka ianakkonna : 

1. Molo au ( Natorasmu ) ,marga TURNIP do au sian huta Lumban Toguan ( simanindo ),hupakke pe margakku Saragi Munte , alani " Uratni Utte do " asa mangolu au ,jala adong hita sahat tu tikki on .
2. Ikkon ingot onmu jala tonahononmu tu anakmu sahat rodi marsundut-sundut bahwa hita marga Turnip , jala huta asalta ima Lumban Toguan - simanindo .Asal ise Turnip nasian huta lumban toguan ( simanindo ) abangta mai dohot amangtuatta .

Onma cerita turun-temurun di Lumban Toguan / simanindo ,taringot tu oppung nalao najolo tu daerah Simalungun ( Raya ).Molo adong akka nahurang lobi di dalam penyajian cerita penulis mangido maaf .

Salam,

Penulis : Pa Nicho Turnip ( ELY .M .MARTINUS TURNIP )

Email : Nicolasturnip@yahoo.comSumber